Neska euskaldunak mutil euskalduna behar du. Beltzarana, jatorra, alaia, juerga egiteko aproposa… Interesatuak idatz dezala blog honetan.

Zenbat aldiz irakurri izan duzu egunkarietan horrelako iragarki morboso eta sentsualak? Eta ez esan zuk horrelako orrialdeetan begiratzen ez duzunik! Seguru begiradatxoren bat edo beste egiten duzula azken orri horietan.

Askotan, gure usteak erdi ustelean gelditzen dira ordea. Zer da euskaldun izatea? Nork defini dezake? Ezaugarri berezirik al du euskaldunak? Arrazak definitzen al du euskaldun izatea?

Nik galdera hauen inguruko hausnarketa egina dut jada. Euskaldunak munduan zehar izeneko ikasgaian izena ematea erabaki nuen eta milaka ideien inguruan hausnartu izan dut azken aste hauetan zehar. Orain zure txanda iritsi da, zer da zuretzat euskaldun izatea?

Mutil euskalduna bazara, edo horrela sentitzen bazara, edo zer demonio, interesatua bazaude, ekin kurtsorea martxan jartzeari!!!!!!

Ane Ayerbe ( Huhezi fakultateko Haur Hezkuntzako ikaslea).