Teki taka

Mudantza egiten ari gara!

Wed, 12 Nov 2008 09:24:37 +0000

Batzuk jada ohartuko zinateke, baina mudantza egiten ari gara!

Hemendik aurrera eitb.com-en "teknologia" sailean aurkituko gaituzue.

Han itxaroten zaituztegu!

Eguzki-sistemaren mugak zehazteko bidean

Thu, 23 Oct 2008 11:31:24 +0000

Elhuyar Fundazioaren eskutik

Honezkero orbitarako bidean da IBEX (Interestellar Boundary Explorer), NASAk eguzki-sistemaren mugaren mapa zehazteko diseinatutako espazio-ontzia.

Zernola zientzia eta teknologiaren olinpiada martxan dago

Mon, 6 Oct 2008 12:45:00 +0000

Elhuyar Fundazioak VII. Zernola Olinpiada jarri du martxan www.zernola.net atariaren bitartez. Zientziaren eta teknologiaren inguruko olinpiada da, eta Euskal Herriko DBHko 1. eta 2. mailako ikasgelei dago zuzendua.

Urria eta apirila bitartean, parte hartzen duten ikasgelek zientziaren eta teknologiaren inguruko bost proba gainditu beharko dituzte.

Gela bakoitzak blog bat izango du, eta blogean bertan zintzilikatu beharko dituzte proben ebazpenak. Proba hoberena egin duen ikasgelak sari bat jasoko du gelako ikasle guztientzat, eta olinpiadaren amaieran puntu gehien dituzten bi ikasgelek bi eguneko txangoa irabaziko dute.

Hirugarren postuan sailkatzen den ikasgelak egun-pasako txangoa bereganatuko du. Gainera, olinpiadaren amaieran, olinpiadako proba guztiak aurkeztu dituzten ikasgelek beste bi zozketatan parte hartuko dute. Horren bidez, olinpiada amaitzea ere saritu nahi da.

Teknoskopioa Lehiaketa: Sortu superheroi baten bloga!

Wed, 1 Oct 2008 10:57:31 +0000

Elhuyar Fundazioak, Innobasquek eta Eusko Jaurlaritzako Hezkuntza,
Unibertsitate eta Ikerketa Sailak Teknoskopioa 2008 gazteentzako ideia-lehiaketa jarri dute abian.

Hiru erakundeek Zientziaren, Teknologiaren eta Berrikuntzaren Astearen baitan (azaroaren 10etik 16ra egingo dute aurten) antolatuko dute lehiaketa.

Teknaliak kazetarientzako IV. Saria deitu du

Fri, 26 Sep 2008 18:25:52 +0000

Teknalia Korporazio Teknologikoak, kazetarientzako IV Saria deitu du, "berritzea etorkizuna eraikitzea da" lelopean. Sari nagusiaren zenbatekoa 15.000 eurotako da, eta hiru saritan banatuta dago, 9.000 eurotako bat eta 3.000 eurotako beste bi.

Korporazio Teknologikoak, Azti, European Software Institute (ESI), Fatronik, Inasmet, Labein, Neiker eta Robotiker, osatzen dute. Lehiaketa honen helburua hedabideetako profesionalen lana sustatzea da.

Google Phone Googlen telefono mugikor berria merkatura heldu da

Tue, 23 Sep 2008 19:43:53 +0000

Google Interneteko bilatzaileak, telefono mugikorren merkatura murgiltzeko asmoz, bere Google Phone sakelakoa merkaturatu du. 'Android' delako 'software' berezia darabil eta berezko software honen bidez funtzionatzen duen lehenengo mugikorra da hau. Gainera, kode zabala erabiltzen duenez, merkeagoa da ekoizleentzako.

Googlen lehen gailu teknologiko hau HTC Taiwaneko enpresa batek ekoiztu du. Adituek diotenez, Applen iPhone edo Research in Motionen Blackberryri itzala egin nahi die. Salmentarako abantaila, Googlen ezaugarrietan, onarpen mailan eta salneurrian (199 dolar) topatzen dugu.

Pulsarren antzera telefonoz

Tue, 23 Sep 2008 11:26:14 +0000

Elhuyar Fundazioaren eskutik

Pulsarrak neutroi-izarrak dira, eta harrigarria bada ere, oinarri gisa erabili dituzte telefono mugikorretarako teknologia bat garatzeko. Hain zuzen, erradiazioa igortzeko pulsarrek duten modu berezia imitatzen duen tresna berri bat prestatzen ari dira Mexiko Berriko laborategi batean.

Martialis: inurrien azpifamilia berri bateko lehena

Mon, 22 Sep 2008 11:17:40 +0000

Elhuyar Fundazioaren eskutik

Inurri arraro bat aurkitu dute Brasilgo basoetan. Adituen ustez, antzinako inurrien itxura eta ezaugarriak ditu, eta horrek egiten du aurkikuntza hori oso aipagarria. Inurria espezie berri batekoa izateaz gain, ordea, sailkapen taxonomikoaren adar berri bat zabaldu du. Genero ezezaguneko inurria da, eta, are gehiago, azpifamilia baten lehen kidetzat hartu dute adituek. Hain intsektu arraroa izanda, entomologoek Marteko inurri deitu diote, eta Martialis heureka izen zientifikoa eman diote.

Baso zaharrak, neutroak? Ez horixe!

Mon, 22 Sep 2008 11:14:01 +0000

Elhuyar Fundazioaren eskutik

Baso primario borealak eta epelak, hau da, eskualde boreal eta epeletan gizakiaren esku-hartzerik ez duten baso helduak, munduko basoen % 15 dira, eta, Nature aldizkariak jakitera eman berri duenez, haiek egiten dute munduko materia organikoaren ekoizpen netoaren % 10 inguru.

AEBetako gazteen %97k bideo-jokoekin jokatzen dute

Thu, 18 Sep 2008 08:17:19 +0000

AEBetako gazteen artean (eta munduko gainerakoen artean ere) bideo-jokoak dira aisialdia pasatzeko modurik onena. Kalera irtetea eta lagunekin jolastea zaharkitua geratu omen da, gazteek etxean geratu eta kontsolei egurra ematea nahiago baitute.

Pew & Internet Life Project ikerketa enpresak jakinarazi duenez, AEBetako gazteen %97k bideo-jokoekin jokatzen dute. Gizonen artean %99koa da portzentajea, eta %94koa emakumeen artean.