Sony japoniar fabrikatzaileak adierazi duenez, PSP-3000 (Play Station mugikorra) berria merkatuan sartuko da urriaren 15etik aurrera, 200 dolar baino gutxiagoren truke AEBetan, Europan eta Japonian; Nintendo DS bideokontsola mugikorrarekin lehiatzeko asmoz.

Sonyk PSP berriaren merkaturatzea (urte amaierako) erosketa epearen hasierarekin batera egingo du eta, horrela, 2009ko martxoan ekitaldi ekonomikoa amaitu baino lehen, bideojokoen ataleko etekina bultzatzeko asmoa du.

Enpresaren hitzetan, PSP-3000 berriak kristal likidozko pantaila (LCD) eta mikrofonoa izango du, horri esker, erabiltzeak Skype programa bezalakoekin (komunikazio-programak Interneten bidez) jolastu ahal izango du.

Bestalde, bideokontsola berriak gaur egungo modeloek dituzten berezitasunak izango ditu, Sonyren arabera. Enpresak urriaren 14tik aurrera AEBetan 199,99 dolarren truke, urriaren 15tik aurrera 199 (298 dolar) euroren truke Europan eta Japonian, 16tik aurrera, 19.800 yen (182,3 dolar) ordainduta PSP-3000 berria merkaturatzea erabaki du.