Sony marka japoniar erraldoiak iragarri du azarotik aurrera munduko kristal likidozko telebista pantaila arin eta argalena salgai jarriko duela. Telebistak 40 hazbete izango ditu eta Bravia seriearen barruan salduko dute udazken-neguko kanpainaren barnean.

Azaroaren 10etik aurrera Sonyk Japonian baino ez du salduko, baina laster mundu osora hedatzeko asmoa dute. Telebista berri honek 9,9 milimetroko lodiera dauka eta 12,2 kiloko pisua dauka.

Panela kablerik gabeko transmisio bidez funtzionatzen du eta beraz, ez da kablerik behar konektatzeko eta hormatik eseki daiteke.

Hala, urriaren 10etik Sonyk 40 eta 55 hazbeteko tamaina duten Bravia serieko beste zazpi modelo jarriko ditu salgai.

Takao Yoshikawa Sonyko telebista lauetako zuzendariak jakinarazi duenez, LCD pantailen merkatua arin hedatzen ari da eta ekonomiak atzerakada nabaria pairatzen ari den arren, konpainiak 2008an 17 milioi telebista saltzeko helburua betetzeko bidean dago.