Thailandiako gazte batek, Grand Theft Auto IV bideo-jokoa erosi ahal izateko taxi-gidari bati lapurtu eta hil egin zuela aitortu du, krimena egiteko asmoa jokoak piztu ziola gaineratuta, Poliziak azaldu duenez. Hori dela eta, bideo-jokoa herrialde horretako merkatutik kendu dute.

Gaztea ikaslea da eta 18 urte ditu, baina ez dute nor den jakinarazi. Igandean atxilotu zuten Thailandiako hiriburuan, ibilgailuan 50 urteko taxi-gidari baten gorpua zeramala jakin ondoren. Antza, hamarna sastada eman zizkion.

"Hilketa bideo-jokotik kopiatu zuela onartu zuen", baieztatu du Veerarit Pipatanasak Bangkokeko Poliziaren kapitainak.

Gazteari hilketa eta lapurreta egotzi dizkiote, besteak beste eta, epaileak errudun dela esatekotan, baliteke heriotza-zigorra edo bizi arteko espetxea ezartzea.