Telefonicak Espainiako Estatu osoan modu esklusiboan salduko du Applen telefono berria.

iPhone 3G berria Telefonicak Espainia osoan dituen 1.000 denda baino gehiagotan salduko dute prezio lehiakorrarekin.

Duela urtebete merkaturatu zuen Applek iPhonea, baina ordutik salmentek gora egin dute etengabe.

Uztailaren 11n helduko da azkenean Espainiara hainbat jendek gogotsu espero duen telefonoa. Aparailuak uneko teknologia berriena erabiltzen du eta gainera Espainiara helduko den bertsioa berriena, eta beraz, garatuena da.

Bertsio berria hirugarren generazioko sareetarako prestatu dute, eta horrek, Interneterako konexioa arinagoa izatea ahalbidetuko du.

Steve Jobek esan duenez, "iPhone 3Gak konexioaren abiaduran eta deskargetan alde handia zehaztuko du. Wifiak eskaintzen duen abiaduratik benetan hurbil dago".

iPhone 3Garen prezioa 199 dolarrekoa izango da, gaur egungo 399 dolarren aldean.

Applek argitu du operatzaile bakoitzak erabakiko duela aparailuari jarriko dion prezioa eta iPhonearen prezioa eta beraz, ostiralean jakinaraziko duela Telefonikak ezarriko duen prezioa.