'On Line' deskargetako Guiness errekorra lortu ondoren, Firefoxi ikasle berria sortu zaio.

Mozilla Fundazioak, 'software askea" sortu duen irabazi-asmorik gabeko enpresak, Fennec nabigatzailea beregain hartu du telefono mugikorren arlora hedatzeko asmoz.

Mitchell Baker, Mozillako zuzendari nagusiak esan duenez, orain Fennec Firefoxen bertsio bat izango da baina telefono mugikorretarako.

Mozillako arduradunek jakinarazi dute ziurrenik urte honen amaieran egongo dela prest, baina beta bertsioan bakarrik. Hala, erabiltzaileak trebatzen joango dira eta balizko arazo edo akatsak antzemango dituzte.

Hala ere, Mozillak duen erronka handienetakoa euren nabigatzailearen tamaina handitzea da, izan ere, telefono mugikorrek eta PDAk ez daukate edukiera handiko gaitasunik.

"Egin dugun lehen gauza tamaina eta memoriaren beharrizanak geure kodeak mugikorretarako nahikoa direla jakitea izan da" Bakerrek.

Proiektu berri honek duen abantailarik handiena, zalantzarik gabe, kode zabala duela da, hots, ez duela inolako gasturik suposatzen erabiltzaileentzako eta Firefoxekin bezala, zentimorik ordaindu gabe deskargatu ahalko dutela.

"Badaude beste nabigatzaile batzuk hor kanpoan, baina denak itxiak, ez dago irekirik" bukatu zuen Bakerrek esaten.