Mp3ak ezin dira uretan sartu berez daukaten ahultasunagatik eta makalduragatik, metroz edo autobusez bidaiatzean oso erabilgarriak diren arren.

Gauzak aldatu dira, ordea, Iriver enpresak eta Speedo uretako kiroletarako fabrikatzaileak garatu berri duten Gb1eko disko gogordun mp3 murgilgarriarekin eta flotagarriarekin. Hemendik aurrera, posible izango da musika entzutea igeri eta itsaspekaritza egiterakoan.

Speedo Aquabeat berria hiru metroko sakoneraraino murgil daiteke, soilik 35 gramo pisatzen ditu eta flotatzeko gai da, azken hau bereizgarri garrantzitsua da nahi gabe hondora jausten zaienentzat. Gailu honen bateriak bederatzi orduz jarduteko gaitasuna dauka eta USB baten bidez birkarga daiteke.

Gainera, buruan edo besoan kokatu ahal izateko sistema bat dauka, erabilera erosoagoa egiteko asmoz. Gailu horrek daukan eragozpen bakarra da LCD pantailarik ez daukala entzuten ari garen abestia zein den ikusteko.