Proposamen berria onartu ezkero, internautek eurek nahi dituzten domeinuak sortu ahalko dituzte 2009. urtetik aurrera.

Hala, dagoeneko mitikoak diren ".com", ",net" edo. ".org" domeinuak historiako kontu zahar izango dira eta ".amodio" edo ".gorroto" izango dira zibernautek erabiliko dituzten domeinu berriak.

Gauzak horrela, domeinuetako luzapen berriek marken eskubideak errespetatuko dituztela bermatuko dute, eta horretarako debekatu egingo dituzte marka baten antzerako izenak dituzten domeinuak.

"Tailandiako oihanean galduta dagoen aspaldiko budisten elkarte batek esaterako, euren izena kontrolpean edukitzeko aukera izango du" azaldu du Twomeyk. "Momentuz isilpean gordeko dugu nork erabakiko dituen zeintzuk domeinu diren onargarriak eta zeintzuk ez" adierazi du Twomeyk.

Horrez gain, hemendik aurrera, internautek domeinuak alfabeto ziriliko, txino edo Etiopiako amherikoan erregistratu ahalko dituzte besteak beste. "Erronka tekniko handia da, baina ezinbestekoa" gehitu zuen Twomeyk.

Icann irabazi-asmorik gabeko erakunde pribatua da, eta Washingtoneko gobernuarekin kontratua dauka sinatuta eta IP helbideak eta domeinuen izenen sistemak kudeatzen ditu herrialde mailan.