Mozilla fundazioa munduko Guinness errekorrean sartu da sei milioi erabiltzailek baino gehiagok asteartean kaleratutako Firefox 3 doako nabigatzailearen azkeneko bertsioa jaitsita.

Momentuz AEBetako erabiltzaileak dira programa gehien jaitsi dutenak (heren bat). Aurrekoaren aldean, Firefox 3 bertsioak 15.000 hobekuntza dauzka.

Alemania zerrendako bigarrena da Firefox programa jaitsi duten 400.000 erabiltzaile baino gehiagorekin eta segituan Japonia, 310.000rekin. Espainia, 220.000 erabiltzaile baino gehiagorekin, zerrendako laugarren kokatu da "Download Day" egunean.

Hori guztia 17 ordu baino gutxiagotan, izan ere, nabigatzailearen azken bertsioak enpresak zuen helburua (bost milioira heltzea) gainditzea lortu du.

Gauzak horrela, Mozillak ez du behar izan 24 ordu itxarotea. Mozilla irabazteko-asmorik gabeko enpresa da eta kode irekiko software librea eskaintzen dio erabiltzaileari. Atzo, asteartea, programaren azken bertsioaren eskaintza egin zuen bezain laster, 17:00etan, sarea bete zuen.

Sei milioira heltzeko Txadeko biztanle batek lagundu du, Turkmenistaneko ezohizko zazpik, Iraneko 180.000k eta Holanda bezalako herrialde bateko 100.000 lagunek.