Mozilla software librearen aldeko fundazioak Firefox Internet nabigatzailearen bertsio berria kaleratu du (euskaraz ere), mundu mailan deskarga errekorra hausteko asmoz. Egun 175 milioi lagunek erabiltzen dute nabigatzailea, hau da, merkatuaren %20.

Bertsio berriak 15.000 hobekuntza ditu, besteak beste, seguruagoa da, webguneak azkarrago irekitzen ditu eta erabiltzaileen aukeraketei aurreratzen zaion helbide-barra adimenduna du.

Produktu berri horrekin Mozillak "Deskargen Eguna" ospatu du eta software librearen eta doakoaren zaleek oso harrera ona egin diote. Eguneko protagonista Firefox 3.0 izan da.

Mozilla irabazi-asmorik gabe lan egiten duen erakundea da, eta mundu guztiko jarraitzaileei deialdi bat egin die gaur bertan programa jaitsi dezaten, deskarga errekorra hausteko asmoarekin.