Larrabetzu.org sareko erabiltzaileek AEBetan eta Europan ibilbide luzea duen ekimena ekarri dute Euskal Herrira. Larunbat honetan (ekainak 7), Larrabetzuko gaztetxean, lehen BarCamp euskalduna egingo dute.

Basquecamp jarri diote izena.

"Euskaraz ari garenak" batzea dute helburu.

Topaketa informala eta parte-hartzailea izanik, egitaraua ez dute guztiz itxita. Ekitaldiko webgunea wikia da eta, beraz, edozeinek har dezake parte proposamenak eginez. Parte-hartzean datza Basquecamp, hain zuzen ere.

Dena dela, gidoia bezalakoa ere prestatu dute. Oraingoz aurreikusitakoaren arabera, hainbat hedabidek hitzaldia emango dute, besteak beste eitb24.com-ek, goiena.net-ek, hitza.info-k eta gaur8.info-k.

Hurrengo egunean, gainera, Gose taldeak kontzertua eskainiko du gaztetxean. Sorpresa ugari ere egongo direla agindu dute antolatzaileek.

Informazio gehiago eta egitaraua barcamp.org/basquecamp webgunean.