Zerbitzu berri batek 8.000 sarrera jasotzen dituen euskara-gaztelania/gaztelania-euskara hiztegia kaleratu berri du. Eskuratzeko SMS bat bidaltzea baino ez dago.

Ainhoa Beola Donostiako Udaleko Hizkuntza Normalizaziorako zinegotziak prentsaurreko batetan azaldu duenez, edozeinek jaitsi dezake hiztegia bere mugikorrera, SMS Premium zerbitzua erabilita 5464 zenbakira Hiztegia hitza bidaliz, 0,15 (+ BEZ) euroko salneurrian.

 

Azaldu duenez, boltsikoko hiztegi honek ez da Gipuzkoako hiriburura mugatzen, edozein hiritarrek izango baitu erabili, edozein momentu eta tokitan. Zinegotziak sistemaren erreztasuna goraipatu du, eta deskargatzeko bi sistema eskaintzen ditu: lehenengoa SMS bidezkoa, eta bigarrena www.euskaraz.net/wap web gunean, USB gailu baten bitartez.

Adierazi duenez, Elhuyar hiztegia du oinarri gisa eta adiera ezberdinak jasotzen ditu kontsultatutako hitzak esanahi bat baino gehiago duenean. Beolaren arabera, aplikazioaren pisua 334 kilobitekoa da, eta jaitsi ondoren, mugikor gehienetan erabili ahal da.

Gainera, zerbitzua behin ordainduko dela gehitu nahi izan du, izan ere, aplikazioa jaitsi ostean, kontsulta guztiak doanekoak izango dira.