Nimbuzzen sistema, Skypek erabiltzen duen sistema bera baino garatuago dago. Modu honetan, VoIP eta IM sistemak mugikortasun osoz eta ahotsaren bidez erabiliko dira giza sareetan.

Aplikazioak sare mugikorrak, online komunitateak eta giza sareak konektatu egiten ditu. Nimbuzzek gaur jakinarazi du Erresuma Batuan martxan dagoela telefono mugikorretako erabiltzaileei eta online komunitateei “dohaineko deiak, chatak eta bestelakoak” eskaintzen dizkien aplikazioa.

Nimbuzzek “dena baten” irtenbidea eskaintzen du, hots, telefono mugikorretik VoIp deiak debalde, konferentzia deiak, unean uneko mezularitza, chata, chata taldean, argazki eta artxiboen bidalketa eta beste hainbat aukera ere.

Horretarako hainbat komunitate edo elkarte erabiliko dituzte, halanola, Skype, MSN, Goole Talk, Yahoo!, AIM, Jabber eta ICQ, eta gainera 23 giza sare Facebook eta Myspace barne.

Erabiltzaileek euren mugikorretarako Nimbuzz aplikazioa deskargatu ostean, aukeratutako IM elkarteko harrenak gehitzen dira kontaktuen zerrenda bakar batean. Zerrenda horrek une bakoitzean kontaktuak konektatuta daudenentz ere azaltzen du.

“Jende guztiari gustatzen zaio Skype (Pcan), baina mugikortasuna duten tresnetarako denean, aukera hobea eskaintzen dugula uste dugu” azaldu du Tariq Dag Steinberg Khan Nimbuzzeko marketing arduradunak.

“Nimbuzz elkarte edo komunitate guztietan dabil, eta mundu osoko eskuko 500 terminal baino gehiagotan ere. Sistema berri honekin Nokia, Samsung eta LG terminalekin dabilen telefono mugikorrerako erabilera dohainekoa jaio da”.

“Telefono mugikorretako kostuak jaitsi egingo direla da albiste ona. Datuentzako “tarifa plana” delakoa ez zen existitzen iaz arte (Europan), eta dagoeneko mundu osoan dago eskuragarri. Honek debaldeko komunikazioa lortzeko bide erraztu egiten du” azaldu du Tariqek.


Dagoeneko 500.000 erabiltzaile erregistratu ditu Nimbuzzek, hilean %25eko lanarekin. Oraindik garapen fasean dagoen arren, aste bakar batean milioi bat zen emate baino gehiago izan ditu.