New York-eko Brooklyn auzoko Spike Lee zine zuzendariak bere izena teknologia berriekin lotu nahi du. Orain dela bi urte, Robert Redford-ek sakeleko telefonoarekin egindako laburmetrai lehiaketa asmatu zuen, Sundance jaialdian.

Leek bere burua dinosauriotzat hartzen du, izan ere, telebista pizteko ere bere semeen laguntza behar duela adierazi du. Nokia enpresaren egitasmo batetan parte hartuko du: sakeleko telefonoekin filmatutako laburmetraia burutuko du.

Egitasmoaren helburua, halere, ez da kamera albo batera utzi eta telefonoa erabiltzea. Ideia Malcolm X filmeko zuzendariak Internetzaleek bidalitako irudiekin 15 minutuko muntaia egitea da. Irudiak, noski, mugikorrekin grabatu behar dituzte.

"Lankidetza oso interesgarria iruditzen zait. Bost urte baino gutxiagotan filmeak horrelako gailuekin egingo dira", azaldu du Leek The New York Times egunkarian. "Gainera, talentua duen jendearekin lan egitea gustatzen zait, baina zine eskolan ez daudenak", gehitu du zuzendariak.