Ariketa fisikoak egiteko Wii kontsola aurkeztu du Nintendok , Estatuan. Shigeru Miyamotok egin du kontsola berri hori, Mario eta Zelda bideo-joko ospetsuen egilea. Azken urtean Japonian gehien saldu den jokoa da, bi milioi aleren salmentarekin.

WiiFit plataformak erabiltzailea pisatu, gantz indizea kalkulatu eta datu horiek adinarekin eta altuerarekin alderatzen ditu. Horrela, ariketen bidez, erabiltzaileari pisua galtzen edo irabazten laguntzen dio eta ez ditu osasunarentzat kaltegarriak diren helburuak finkatzen uzten, Nintendok jakitera eman duenez..

Gizonezko edo emakumezko irakasle batek erabiltzaileari ariketak era egokian egiten irakasten dio. Ariketa horiek yoga, footing eta beste hainbat dira.

Ariketa ezberdinak gehitzen dira erabiltzailea hobetzen duen heinean eta, baita ere, horien zailtasuna eta gogortasuna.

Datuak gorde egiten ditu sistemak eta zortzi erabiltzailek entrena dezakete berarekin.

Normalean bideo-jokoekin aritzen ez diren erabiltzaileak bereganatu nahi ditu Nintendok apustu berri honekin.