Neiker-Tecnaliak ordezko energiekin klimatizatutako berotegia zabaldu du. Modu honetara, gastuak murriztu eta uztaren kalitatea hobetzea lortuko dute.

Ekimenak, lehen aldiz elkartzen ditu biomasa galdara bat eta eguzki panel termodinamikoak berotegi baten ekoizpenerako.

Tecnaliak jakinarazi duenez, sistema honen bidez berotegiak “merkeago eta ingurugiroarekiko modu errespetagarriagoan” klimatizatu daitezke ez baitira petroliotik ezta gasetik ateratako erregaiak erabiltzen laborantzentzako tenperatura perfektua lortzeko.


Guztira, 300.000 euroko inbertsioa egin dute gaur Gonzalo Saenz de Samaniego Nekazaritza, Arrantza eta Elikadura sailburuak inauguratu duen proiekturako.


Neiker-Tecnaliak lehenengoz konbinatu ditu egurra eta beste hondarrak erabiltzen dituen biomasadun galdara eta eguzki-plaka termodinamikoak. Biomasadun galdarak 400 Kw-eko potentzia dauka, hots, orain arte berotegi baten klimatizaziorako erabili den potentziarik handiena

Proiektuaren helburuetako bat gastuak murriztea da, izan ere, ohiko erregaien prezioa “oso altua” da. Bestalde, laborantzaren kalitatea hobetzea arrazoia garrantzitsua da modu honetara urte osoan eskaini ahalko dituztelako unean-uneko produktuak.

Hasiera baten, Derioko berotegian tomateak eta piperrak ekoiztuko diztuzte urte osoan zehar eta aurrerantzean erabakiko dute zeintzuk produktu gehiago ekoiztu.

Negutegi berriak ez dauka lurrik oinarrian, “lur hidroponikoa” edo “lurrik gabeko laborantza” deritxona baizik.