Sarritan ikusi ditugu ‘Time Cop’ edo ‘Minority Report’ moduko filme futuristetan autoak gidaririk gabe. Kit mitikoa ere, gizakiaren laguntzarik gabe ibiltzen zen.
Horixe egiten du “Berlineko Izpirituak”. Laser sentsorez osatutako autoak irakurketa tridimentsionala egiteko gaitasuna dauka; eta dagoeneko goi-mailako hainbat autok erabiltzen duten aparkatzeko laguntzarako sistema bera erabiliko luke.

Hala ere, zaila izango da autoek arrakasta izatea duten salneurri altua dela eta. Autoa Franhofer Institute for Intelligent Analysis and Information Systems (IAIS) eta Berlineko Freie Universitätek garatu dute eta DARPA Urban Challengen aurkeztu dute gidaririk gabe eta kontrol urruneko autoen erakusketan.

Hartmut Surmann proiektuko arduradunak esan duenez, “edozer bere bidean jarri ezkero, oinezko bat esaterako, laserra islatu egiten da eta eskanerrak seinalea jasotzen du”.
Zoritxarrez, ez da erraza izango Tom Cruise edo Jean Claude Van Dammen antzera lasai-lasai joan eta autoak berak lan guztia zelan egiten duen ikustea. Zaila izango da, beraz, gida-baimenak etxeko armairu zahar batean zelan geratzen diren ikustea.

“Oso balizko egoera da”, eskanerrak 17.800 euro balio duelako, eta patrika gutxi batzuek baino ezin dutelako horrelako luxurik ordaindu.