Googlek jakitera eman duenez, 'Google Sites' izeneko aplikazio berri bat merkaturatuko du datozen egunotan. Programa berri honek web orriak modu errazean egitea ahalbidetzen du, deskargarik egin beharrik gabe. Gainera, ez du inolako software edo hardware mantenimendu edo instalaziorik behar.

AEBetako konpainiak azpimarratu duenez, erreminta berriak webgune ugari sortzeko aukera ematen du Word dokumentu bat editatzeko erabil ohi den "sistema simple bera baliatuta", hala nola Intranetak, web orri pertsonalak, gela birtualak, etab.

Gainera, informazio kopuru ugari bil daiteke gune bakar batean, bideoak, egutegiak, aurkezpenak edota artxibo erantsiak, besteak beste. Era berean, aipatu informazioa editatu egin daiteke.

Konpainiaren esanetan 'Google Sites' programaren erabiltzaileek ez dute HTML hizkuntza menperatu beharrik, webguneak saguaren klik bakar batekin sor baitaitezke. Halaber, Googleren beste hainbat produktu –YouTube, Google Docs, Google Calendar eta Picasa, esaterako- gaineratzeko aukera ematen du.