Txinatar eta japoniar zientzialari talde batek beren azken aurkikuntzaren berri eman dute: dinosauro espezie berri bat, bost metrotako luzerakoa eta 15 metrotako altuerakoa. Seguruenez, animaliak "Dongyangosaurio" izena hartuko du.

Fosila pasa den irailean lurpetik atera zuten Hugong mendian (Zhejiangko probintzia) eta kretazeo garaian bizi izan zela uste dute, orain dela 60 miloi urte gutxi gorabehera.

Ikerketa hau hilabete askotako lanaren fruitua da eta aurkikuntza honek gaur egungo dinosauroen familia aberastuko du zeharo.

Bestalde, zientzialari taldea Donyango museoan fosil zatiak biltzen ari da, maiatza edo ekainetik aurrera erakusgai jartzeko asmoz.