Saturnoren ilargi laranjan aurkitutako lakuetako bakoitzean dagoen energia kantitatea, AEBek urte batean kontsumitzen dutena baino 300 aldiz handiagoa da, Cassini espazio-zundak bidalitako datuen arabera.

Espazio-zunda horren arabera, Titanen aurkitzen diren petrolio eta gas-erreserbak Lurrean direnak baino ehunka aldiz handiagoak dira.

Ralph Lorenz ikerlariak New Yorkeko John Hopkins Unibertsitatearen Fisika Aplikatuko Laborategian egindako azterketen emaitza horiek <em>Geophysicial Research Letters</em> aldizkariaren azken zenbakian argitaratu dira.

Hidrokarburoak zerutik erortzen dira eta egoera likidoan gerora aintzira bihurtuko diren gordailu handietan biltzen dira, edo ikatza bezala solidotzen dira dunatan. Aurkitutako dozenaka aintziretako bakoitzean dagoen energia kantitatea, AEBek urte bakarrean kontsumitzen dutena baino 300 aldiz handiagoa da

Lurrean daukagun klima eta Titanek duena oso ezberdinak dira; izan ere, azken horretan batez besteko tenperatura zeroz azpitik 179 gradukoa da. Uraren ordez, likido egoeran dauden metano eta etanoak dira gainazalean eta eraketa kimiko konplexu organikoak dunatan pilatzen dira.

Titanen gainazalaren %20 arakatu du Cassini espazio-zundak jadanik.