Antartikako errege pinguinoa "galtzeko arrisku serioan" izan daiteke klima-aldaketaren eraginez; izan ere, ur-azaleko tenperatura 0,26 zentigradu igotzen den bakoitzeko pinguino helduen populazioa %9 jaisten da, ikerketa baten arabera.

Itsas ekosisteman ematen diren aldaketen "adierazle sentiberak" dira itsas hegaztiak, Frantziako Hubert Curien Institutuak egindako eta AEBetako Proceedings of the National Academy of Sciences (PNAS) aldizkariak argitaratutako ikerketaren arabera.

Elika-katearen tontorrean aurkitzen dira errege pinguinoak eta katearen maila apalago batera bultza ditzake planetaren berotzeak, pinguinoen elikatzeko beharra edo gosea gutxitzen duelako.

Errege pinguinoen bizi-itxaropenean eta ugalketan eragin negatiboa du klima-aldaketak, azterketaren arabera.

Datozen bi hamarkadetan planetako batez besteko tenperatura O,2 gradu igotzea espero du klima-aldaketarako nazioarteko taldeak (ingelesezko siglak: IPCC).