Science aldizkariak argitaratu duen ikerketa baten arabera, Kanadako eta AEBetako zientzialari batzuek belaunean jartzen den bateria asmatu dute. Hala, dispositibo berri honek energia biltzen du pertsona oinez doan bitartean.

Simon Fraser (Kanada) eta Pittsburg (AEB) unibertsitateko zientzialariek ondorioztatu dutenez, ikerketan parte hartu zuten boluntarioek 5 watteko energia sortarazi zuten hanka bakoitzean jarritako aparailuarekin.

Zientzialariek azaldu dutenez, hamar telefono mugikorrek behar duten beste energia sortzeko balio du. Gainera, ordenagailu batek beharrezkoa duen energia kopurua ere sortzen du.

Zientzialariek uste dute "giza energia" eskuratzeko estrategia hau herrialde pobreentzako onuragarria izan daitekeela. Horrez gain, energia hau protesiak garatzeko baliagarria ere bada.

Hau ez da gizakiaren mugimendua energia lortzeko erabiltzen den lehenengo aldia. Aurretik, beste ikerketa batzuetan ere zientzialariak giza energiaz baliatu dira, oinetakoetan eta motxiletan ezarritako aparailuak erabiliz.