TAU Ceramicak sentsore sistema baten bitartez pertsonak detektatzen dituzten bi baldosa 'adimentsu' aurkeztu ditu Valentziako Cevisama azokan. Objektu hauek erabiltzaileari dieta egiten laguntzeko gai dira eta enpresetan ugazabari abisatzen diote langileek kafe-makinaren aurrean denbora gehiegi ematen dutenean.

'Diet floor' izeneko baldosa hozkailuaren aurrean jartzen da eta pisuzko sentsore bati esker zenbait parametro kontrolatu ditzake; hala nola, erabiltzailearen pisua, ordua eta hozkailuaren aurrean igaro den denbora-tartea. Beraz, jan orduetan frigorifikoaren aurrean denbora gehiegi ematen duenari halako mezuak botatzen dizkio: "Zaindu kilotxo horiek. Eutsi goiari!"

Halaber, baldosak erabiltzaileari buruzko datuak memorizatu ditzake. Deskonektatzeko dispositibo bat ere badu.

Teknologia berdina erabiliz, TAU Ceramikak ugazaba abisatzen duen beste baldosa bat aurkeztu du. Bide horretan, kafe makinaren aurrean denbora gehiegi ematen duten langileak antzematen ditu eta beraien irudia Giza Baliabideetara pasatzen du emailez.

Bi baldosa hauen teknologia elbarrientzako baliagarri izan daiteke, baita umeak kontrolpean izateko ere.