Bilbao Exhibition Centre Erakusketa Azokak ostiral honetan estreinatuko du Internet bidezko telebista-kate berria.

Vilauk hainbat eduki ezberdin ekoiztu ditu BEC!-entzako, baina hau da zalantzarik gabe proiekturik garrantzitsuena Internet bidezko telebista-kate baten diseinu eta garapenaz ari baita.

BEC TV erakundearentzako komunikabide arin eta dinamikoa izango da, eta antolatzen dituen ekintzen berri modu erakargarriago baten emateko aukera eskaintzen du.

Vilauk martxan jartzen duen bigarren Streaming proiektua da, lehenengoaBizkaiko Foru Aldundiarentzako egin zuena baita.

Oraindik Internet Explorerren bitartez baino ezin da BEC TVn sartu, Firefoxek arazoak ematen baititu.


 (osorik irakurri)

Elhuyar Fundazioaren eskutik


Zirkulu Artikoko Svalbard uhartean Munduko Hazien Kripta (Global Seed Vault) inauguratu berri dute. Mendi baten barruan sartzen den 125 metroko tunel baten bukaeran dauden hiru gelak eratzen dute kripta. Barruan, mundu osoko nekazariek hazten dituzten espezie guztien, edo askoren, laginak gordeko ditu. Hain zuzen, 4,5 milioi hazi-lagin gordetzeko lekua dauka, eta lagin bakoitzak ehunka hazi izan ditzake.

   (osorik irakurri)

Googlek jakitera eman duenez, 'Google Sites' izeneko aplikazio berri bat merkaturatuko du datozen egunotan. Programa berri honek web orriak modu errazean egitea ahalbidetzen du, deskargarik egin beharrik gabe. Gainera, ez du inolako software edo hardware mantenimendu edo instalaziorik behar.

AEBetako konpainiak azpimarratu duenez, erreminta berriak webgune ugari sortzeko aukera ematen du Word dokumentu bat editatzeko erabil ohi den "sistema simple bera baliatuta", hala nola Intranetak, web orri pertsonalak, gela birtualak, etab.

   (osorik irakurri)

Atzodanik Bizitzaren Entziklopediaren (ingelesez EOL, 'Enclyclopedia of Live') lehen 30.000 orrialdeak daude ikusgai Interneten. Anbizio handiko proiektua da, Lurrean dauden bizitza forma guztien inguruko kalitatezko informazioa ematea baitu helburu. Naturaren inguruko Wikipedia antzeko bat litzateke, nolabait esatearren.

Proiektuaren lehen fasea da martxan jarri dena eta 2017rako 1,8 milioi espezieren datuak biltzea du asmo. Horretarako, munduko dozenaka zientzialarien eta ikerketa zentroren laguntza du eta internautek ere euren ekarpenak egin ditzakete (betiere zientzialariek gainbegiratuko dituzte ekarriok).

   (osorik irakurri)

Elhuyar Fundazioaren eskutik
Beezelbufo izena jarri diote, zientzialariek dakitela, naturan izan den igelik handienari (nolabait, deabruaren igela). Berrogei zentrimetro luze eta bost kilo zela kalkulatu dute zientzialariek, Madagaskarren aurkitu dituzten aztarna fosiletatik abiatuta. Aztarna haien azterketa PNAS aldizkarian argitaratu dute (Proceedings of the National Academy of Sciences); zientzialarien arabera, igel haren gertueneko ahaideak Hegoamerikan daude gaur egun. Irudian, Beezelbufo igelaren ustezko tamainaz jabetzeko marrazki bat dago.

Irudia: SUNY-Stony Brook
www.zientzia.net  (osorik irakurri)

Pentsa, munduko goseari azkena eman, desagertzeko arriskuan dauden espeziak salbatu edo aldaketa klimatikoa gelditzeko aukera duzula bideojoko baten bidez. Bada udatik aurrera posible izango da…

Afera sozialekin kezkatutako talde batek ingurugiroa zaintzeko eta txirotasunari aurre egiteko online bideojokoa garatu du. Jokalariek bideojokoarekin irabazitako sariak ingurugiro neurriengatik aldatu ahalko dituzte.

   (osorik irakurri)

Elhuyar Fundazioaren eskutik

Gomazko materialak, oro har, kate-itxurako molekula luzeak dira. Horiek eratzeko, molekula txikiago batzuk (monomeroak) lotzen dira lotura kobalenteen bidez. Gainera, elastikoak dira, hau da, deformatuz gero, jatorrizko forma berreskuratzen dute. Baina katea punturen batean mozten bada, ezinezkoa da bi mutur horiek lotzea; ez, behintzat, ingurune-kondizio normaletan. Ludwik Leibler buru duen Parisko kimikari-talde batek, ordea, moztu eta gero bere kabuz konpontzen den goma bat sintetizatu du (ikusi bideoa).

   (osorik irakurri)

Txinatar eta japoniar zientzialari talde batek beren azken aurkikuntzaren berri eman dute: dinosauro espezie berri bat, bost metrotako luzerakoa eta 15 metrotako altuerakoa. Seguruenez, animaliak "Dongyangosaurio" izena hartuko du.

   (osorik irakurri)

Elhuyar Fundazioaren eskutik
Giza jarduerak munduko ozeanoetan izan duen eraginaren mapa bat osatu du nazioarteko ikertzaile-talde batek. Mapak erakusten du ez dagoela mundu osoan gizakiaren eragina jasan ez duen kilometro karratu bat ere. Lurralde guzti-guztietan eragin du ikertzaileek kontuan hartu dituzten 17 faktoreetako batek, gutxienez: kostaldeko isurketak eta poluzioa, giza jarduerak eragindako itsas tenperaturaren igoera, olio-plataformen kaltea, arrantza eta abar. Faktoreen eragina kilometro karratuka banatu, eta munduko ozeanoen mapa egiteari ekin zioten zientzialariek 2003an. Emaitza mapa hau da. Kolore urdinak eragin txikiena adierazten du, eta kolore gorriak handiena.

Irudia: B. S. Halpern
www.zientzia.net  (osorik irakurri)

Elhuyar Fundazioaren eskutik