Estatu Batuetako presidentetzarako hauteskundeetan egin zuten gauza berbera egingo dute Youtuben martxoaren 9ko Hauteskunde Orokorren atarian: bozetara zuzenduta dagoen kanal berezi bat aireratuko dute egun gutxi barru. Bertan, alderdi bakoitzak bere bideoa jar dezake. Herritarrek ere proposamenak eta kritikak zabaltzeko aukera izango dute, bideoen bidez. Helburua, politikoek herritarren galderei eta eskakizunei erantzutea da.

Itxuraz, ekimen honek erabateko arrakasta lortu du AEBetan. Politikoek berehala erantzuten ei diete herritarren galderei. Gauzak horrela, alderdi politikoek euren marketing estrategiak goitik behera aldatu dituzte, eta Internetara zuzendutako kanpaina diseinatu dute.

PSOEk jada prestatu du bere aurkezpen-bideoa; Zapatero goraipatzen da bertan, publikoaren aurrean egin dituen hainbat ekitalditako irudien bidez.