Apple konpainiak MacBook Air aurkeztu du, gutxien okupatzen duen eramangarria. Profiletik begiratuz gero, 0,4 zentimetro neurtzen ditu alderik meheenean eta 1,9 lodienean. 13,3 hazbeteko LEB pantaila du eta 1,3 kilo pisatzen ditu.

MacBook Airrek Intelen Core 2 Duo prozesagailuak erabiltzen ditu eta etxe horrek %60an konprimitu zituen ordenagailu horretara moldatzeko.

Prozesagailuek 1,6 GHzeko abiadura dute eta 1,8 GHzra handitu daitezke.

Ordenagailu eramangarriak 5 orduko autonomia duen bateria du.

Gainera, gainazala aluminiozkoa du erabat eta horrek asko errazten du birziklatu ahal izatea. Ez du ez merkuriorik ezta berunik ere.

Gaurtik hasita enkargatu daiteke, baina hemendik bi astetara hasiko dira zabaltzen. 1.799 dolar balioko ditu AEBetan.