2004. urtean Floreseko irlan (Indonesia) aurkitutako hondar fosilei ‘Homo Floresiensis’ izena jarri zieten. Topatutako indibiduo guztiek gorputz eta burezur biziki txikiak zituzten; izan ere, nagusienek metro bat neurtzen zuten eta 25 kilo pisatzen zituzten.

Arrastoak aurkitu zituztenean indibiduo hauek orain dela 18.000 urte ‘homo sapiens’ espeziearekin bizi zirela esan zuten eta, aldi berean, tamaina txikikoak zirela irlako bizitzara egokitu zirelako.

Halere, Meike Köhler eta Salvador Moya Kataluniako Paleontologia Institutuko zientzialariek uste dutenez, Indonesian aurkitutako hondar fosilak malformazioak zituen indibiduo batenak dira, eta ez espezie berri batenak.

Zientzialari hauek azaldu dutenez, hondarrak ‘homo sapiens’aren mailakoak dira, baina hezurrek indibiduoaren mugikortasuna zailtzen zituzten ezaugarriak dituzte. Beraz, malformazioak zituen indibiduoa zela defendatzen dute, euren ustez, nano batekoak.