ROKR E8 produktu berriak MP3 erreproduktorea, telefonoa, kamera digitala eta Interneterako sarbidea du. Motorolak uste du Telefonicak merkaturako duela Espainian iPhonea, eta beraz, haren lehiakideekin negoziatuko du ROKR E8ren komertzializazioa.

Motorolak salmenta kopuru mugatua jarri dio bere buruari, ROKR E8 terminal garestia izango baita, Applerena bezala.

Gainera, formatu librean estreinatuko da merkatuan, inongo operadoreri lotu gabe. Hori bai, Britainia Handian, Frantzian eta Alemanian iPhonea mugikor konpainia zehatz batek banatzen du, esklusiban, eta horregatik, herrialde horietan konpetentziako konpainia batekin akordioa lortzen saiatuko da Motorola, bere produktua komertzializatzeko.

AEBetako enpresako iturriek jakitera eman dutenez, "Morphing" teknologia du terminal berriak, eta horri esker uneoro behar den egoerara moldatzen da, pantaila ukigarrian ikono bat edo beste zapalduta.

Hala, "telefonoa" aukeratuz gero, adibidez, zenbakiak eta letrak agertzen dira pantailan, deiak egiteko edo mezuak bidaltzeko aukera emanez.

Gainera, "Hactic" sistema ere badu, eta horri esker, terminalak bibratu egiten du erabiltzaileak pantailako ikono bat ukitzen duen bakoitzean.

Iazko udan estreinatu zuen Applek iPhone AEBetan eta azaroan iritsi zen Europara: Britainia Handira, Alemaniara eta Frantziara, hain zuzen ere. Udaberrian iritsiko omen da Espainiako Estatura.

Eta esan bezala, Motorolak uste du Telefonikarekin akordioa egingo duela Applek iPhonea zabaltzeko, eta horregatik, konpetentziarekin egin nahi dute eurek.