Zibernauten %47k euren izena noizbait sarean bilatu dutela onartu dute, Pewko zentro estatubatuarrak jakitera eman duenez. 2002 urtean hartutako datuen aldean, %22ko hazkundea izan du euren izenen inguruan kontsulta egiten dutenen kopuruak.

%3k euren izena askotan bilatzen dutela onartu du, %22k noizbehinka bakarrik egiten duela, eta %74k behin edo birritan egin izana ziurtatu du.

Interneteko erabiltzaileen jakin-mina urrunago doala azaldu du Pew Internet & American Life Projectek egindako ikerketak. Izan ere, norberari buruzko informazioa bilatu izana aitortu dutenen artean %53k beste pertsonei buruz ere bilatzen ahalegindu direla onartu dute.

%19k lankideen izenak bilatu ditu noizbait, %11k pertsonak kontratatzeko garaian horiei buruz informazioa lortzeko bide gisa erabili izana onartu dute eta %9k euren bikotekideei buruzko datuak lortzeko erabili dute Internet.