Injuve, Gazteriaren Espainiako Institutuak ez zuen gazteak 'emancipacion.es' proiektura hurbiltzeko modurik aurkitzen (behar bada, emantzipazio hitzak errespetu gehiegi sortzen dielako gazteei).

Beraz, publizitate kanpaina berezia sortu du eta badirudi nahi zuena lortzen ari dela.

Horretarako weba suntsitu dute, Atilano adineko gizon bereziak bahitu duela asmatuta. Bere burua sareko hackerrik nagusiena gisa aurkeztu du Atilanok.

Web-cam baten bidez etxeko egongelan grabatutako bideo batzuk jarri ditu Atilanok Interneten, atzean emaztea xurgatzailearekin etxea garbitzen ageri dela. Lan egiteko edo euren enpresak sortzeko gaur egun eskaintzen dizkieten erraztasunak aprobetxatzen ez dituztela leporatu die Atilanok gazteei.