Euskarak beste urrats bat egin du Interneten: Orain arte ezin izan da euskaraz fororik sortu, eta hutsune hori betetzeko xedez jaio da, hain zuzen ere, foroak.com webgunea.

Euskal Herriko gazte talde bat da sortzailea, eta teknologia berrietan euskara bultzatzeko helburuz elkartu da.

   (osorik irakurri)

2007 urtea amaitzear da eta, hortaz, balantzea egiteko garaia da. YouTube bideoak gordetzeko eta erreproduzitzeko webgune ezagunak ere berea egin du, eta aurtengo bideorik arrakastatsuenak zeintzuk izan diren jakinarazi du.

Hiru izan dira 2007ko izarrak: Obama neska, Briteny Spears abeslariaren jarraitzaile bat eta bufaloen eta lehoien arteko borroka bat.

Sailkapena hautatzeko, bisita kopurua ez ezik, bideo partekatuenak, iruzkin gehien dituztenak, nota onena dutenak eta, oro har, ezagunenak direnak ere kontuan izan dituzte. Denen ahotan dauden bideoak zeintzuk diren jakitea zen helburua.

   (osorik irakurri)

Google Españak eskainitako datuen arabera, bideoen doako zabalkuntza eskaintzen duen YouTube izeneko ataria izan da aurten Interneten gehien bilatu den hitza.

Baddo izeneko sare sozialak, argazkien bidez erabiltzaileen komunikazioa ahalbidetzen duen lekuak, sareko bilatzaileetan gehien errepikatu diren hitzen artean kokatzen da ere.

   (osorik irakurri)

Elhuyar Fundazioaren eskutik

Itsas zakur bat izotz-puska baten gainean dago, eta, inguruan, orka-talde bat, itsas zakurra harrapatu nahian. Orkek ezin dute izotz-puskaren gainera igo, ezta izotza puskatu ere. Zer egingo dute? Soluzioa olatuak sortzea da; olatu handiek astindu egingo dute izotza, eta, indar handia hartzen badute, itsas zakurrari uretara eroraraziko diote.

Orken ehiza egiteko modu hori aspalditik ezagutzen zuten, baina orain arte ez dute inoiz bideoan hartu. Eta hori da aste honetako berria: Orca Research Trust taldeko biologo batzuek horrelako eraso baten irudiak lortu dituzte.



 (osorik irakurri)

Estrategia Empresarial ekonomia eta enpresa gaiak jorratzen dituen aldizkariak Guia de la Innovacion del Pais Vasco izeneko liburua argitaratu du.

Argitalpenak 200 orrialde ditu eta Eusko Jaurlaritzako Industria, Merkataritza eta Turismo Sailaren laguntzarekin argitaratu dute. Liburuak Euskadiko enpresa berrikuntzaren ikuspegi globala eskaintzen du.

   (osorik irakurri)

Lagun batek 4.987 euroko faktura jaso du gau oso baten zehar Internet erabiltzeagatik, Asturiasko Kontsumitzaileen Batasunak (UCE-Asturias) jakinarazi duenez. Diru kopuru hori Orange telefonia enpresak eskatzen dio erabiltzaileari.

   (osorik irakurri)

Elhuyar Fundazioaren eskutik

Inoiz aurkitutako onddo karniboro zaharrenak aurkitu dituzte Alemaniako ikertzaile batzuek, ehun milioi urteko anbaretan sartuta. Egia esan, harrituta gelditu dira aurkikuntzarekin, horrelako onddoak lurrean bizi direlako, oro har, eta ez anbar bilakatuko den erretxina ekoizten duten zuhaitzetan.

   (osorik irakurri)

Zibernauten %47k euren izena noizbait sarean bilatu dutela onartu dute, Pewko zentro estatubatuarrak jakitera eman duenez. 2002 urtean hartutako datuen aldean, %22ko hazkundea izan du euren izenen inguruan kontsulta egiten dutenen kopuruak.

   (osorik irakurri)

2007an Nafarroa izan da etxebizitzetan banda zabal gehien kontratatu duen autonomia erkidegoa (%10,6), Errioxak (%8,7) eta Kantabriak (%8,3) jarraituta.

Hori da 2007rako eta 2006ko bigarren seihilekorako "Informazioaren eta Komunikazioaren Teknologietako Ekipamenduari eta Erabilerari buruzko Inkestaren" emaitza. Estatistikako Institutu Nazionalak kaleratu du inkesta hori.

   (osorik irakurri)

Elhuyar Fundazioaren eskutik

Duela 4.500 milioi urte, Marteren tamainako gorputz batek Lurra jo zuen, eta askatu ziren pusketetatik sortu zen Ilargia. Ez da ohikoena sateliteak planeten pusketetatik sortzea. Izan ere, gure eguzki-sisteman aurkitu dituzten 165 sateliteetatik, Ilargia da modu horretan garatutako satelite bakarra. Eta, zientzialarien kalkuluen arabera, unibertso osoko planeta-sistemen % 5-10ek besterik ez du era horretan jaiotako sateliteren bat.

   (osorik irakurri)

Injuve, Gazteriaren Espainiako Institutuak ez zuen gazteak 'emancipacion.es' proiektura hurbiltzeko modurik aurkitzen (behar bada, emantzipazio hitzak errespetu gehiegi sortzen dielako gazteei).

   (osorik irakurri)

Elhuyar Fundazioaren eskutik
Geofisikari estatubatuar batzuek neurtu dute zenbateraino den laua Boliviako Uyuniko gatzaga. Gatzaga ez da guztiz laua, baina oso gutxi falta zaio, 10.500 kilometro karratuko azaleran gehienez 80 zentimetroko gorabeherak baititu. Nolanahi ere, gatzaga itsasoa baino hobea da sateliteen neurketa-tresnak kalibratzeko, itsasoko uraren gainazalak gora behera handiagoak baititu. Hain zuzen ere, geofisikarien lanek ontzat eman dute Uyuniko gatzaga NASAko ICESat satelitearen sentsoreak kalibratzeko.

Argazkia: NASA
www.zientzia.net  (osorik irakurri)