Ia ez daki astronomiarik, baina “haur baten ilusioa” du Faustino Organero 45 urteko toledoarrak teleskopioengatik. Izan ere, herriko tornulariak eta errementariak lagunduta, Iberiar Penintsula osoko etxean egindako teleskopiorik handiena egin du Organerok.

Hamar urte igaro dira senide batek Toledoko La Puebla de Almoradiel herrian zuen etxe zahar bat eman ziola eta izarretako behatoki bihurtzen hasi zela astronomo afizionatu hori.

Haurra zenean izandako ametsa bete ez izanak eta Unibertsitatean Fisika Zientziak ikasi ez izanak sortutako frustrazioa estaltzen ari zela zen Organerok ez zekiena, eta azkenean teleskopiorik handiena egingo zuela. 77 zentimetro diametroko lentea eta 4.500 kiloko pisua du teleskopio horrek.

Astronomiaren zale amorratu hori diseinatzaile grafikoa da, eta izandako irmotasunari eta trebea izateari esker lortu du hain tresna garrantzitsua egitea. Gainera, bi gehiago egin ditu eta, hirurak batera, “Astrohitako Behatokia” osatzen dute.