Plug-in baten bidez Elebila zuzenean kontsulta daiteke Firefox eta Explorer 7 nabigatzaileetan. Beraz, Elebila erreminta-barran izateko aukera dago aurrerantzean.

Eleka enpresak iragarri duenez, Elebila Interneteko euskarazko bilatzailearen webgunean (www.elebila.eu) Elebila-n bilaketak egitea erraztuko duen plug-in bat eseki berri du erabiltzaileek deskargatzeko.

Plug-inak programa informatikoei funtzionalitate berriak eransten dizkieten baliabideak dira.

Plug-in horren bidez, Elebila bilatzailea Firefox eta Explorer 7 nabigatzaileen barran integratuko da, gainerako bilatzaileekin batera. Horrela erreminta-barratik bertatik egin ahal izango dira bilaketak Elebila-n, bilatzailearen orrialde nagusira joan gabe.

Plug-inak Intenerten euskarazko bilaketak egitea erraztuko die erabiltzaileei.