 |
InprimatuZientzia, Teknologia eta Berrikuntzaren VI. Asteak 120 ekintza baino gehiago eskainiko ditu azaroaren 5etik 11ra bitartean EAEko hainbat tokitan. Aurtengo ediziorako aukeratu den gai nagusia Informazioaren eta Komunikazioaren Teknologia Berriak dira.
Komunikazioko Skype konpainiak, 3 izeneko operadorearekin batera merkaturatuko du erabiltzaileen artean doaneko deiak egitea ahalbidetuko duen mugikorra. Horretaz gain, Skyperen erabiltzaileei edozein operadoretik bidali ahal izango zaizkie doaneko mezuak.
Urte askoan, Levy hegaldia izeneko eredu bat erabili dute biologoek eta fisikariek albatrosaren hegan egiteko modua azaltzeko. Levy ereduaren arabera, albatrosak desplazamendu txiki asko egiten ditu gune batean eta, noizean behin, desplazamendu luze bat egiten du, gunez aldatzeko. Ustez, hegaldi-mota hori oso aproposa da janaria bilatzeko. Hala ere, albatrosen hankei itsatsitako sentsoreekin egindako ikerketa baten arabera, Levy hegaldia burutazio teoriko bat besterik ez da. Albatrosek ez dute horrela egiten hegan janari bila dabiltzanean, baizik eta zorizko desplazamenduen bitartez. Argazkia: British Antarctic Survey
www.zientzia.net (osorik irakurri)
VI. CUORE Sarien epaimahiak `Cómo Está Lo Mío (CELM). Sistema de consulta de peticiones de compra con filosofía Zero Paper` izeneko lanari eman dio e-Bussines ezarpenerako Proiektu Onenaren saria.
Ostegunean izan zen sari emanaldia, aste honetan Bilbon egin den Oracle Erabiltzaileen XVII. Kongresu Nazionalean, izan ere, jardunaldi horietan aurkeztu du Iñaki Regidorrek bere lana. Zorionak proiektuan parte hartu duten guztiei.
Apple konpainia informatikoak Leopard sistema operatibo berria kaleratu du. Steve Jobs kontseilari delegatuak jakitera eman bezala, enpresak eskaerentzako zerrenda bat ireki du Interneten.
Applen sistema operatibo berria 2001etik egiten den Mac Osen seigarren garapena da. Konpainiaren webean, 91 eurotan (lizentzia indibiduala) eta 140,5 eurotan (bost erabiltzaile arteko lizentziak) saltzen da.
Thomson-Aranzadi argitaletxea, Nafarroako Automozio Berrikuntza Teknologikorako Zentroa (CITEAN) eta Nafarroako Klinika Unibertsitarioak Web@ctiva 2007 sariak jaso dituzte. Sari banaketa Nafarroako Gobernuak antolatzen du, Nafarroako Enpresa eta Berrikuntza Zentro Europear (CEIN) elkarte publikoaren bitartez.
Konpainiak "gogo-aldarteak igartzen" dituen teknologia bereganatzeko patentea eskatu du AEBetan.
Elhuyar Fundazioak gaztetxoentzako bideo-joko berri bat prestatu du. Armix Baso Magikoan du izena, eta asteazken honetan aurkeztu dute Donostiako Koldo Mitxelena Kulturunean.
Plataformako joko hau 5-8 urteko gaztetxoentzat da; hiru dimentsioko irudiak erabiltzen dituenez, oso erakargarria gertatzen da. Jokalariak Matematikako, Inguruaren Ezaguerako eta Hizkuntzako probak gainditu beharko ditu eremu batzuetan, aurrera egin eta etsaia gainditzeko.
Armix Baso Magikoan serie baten lehenengo bideo-jokoa da, eta datozen urteetan pertsonaia bera erabiliz beste adin-tarte batzuei zuzendutako bideo-joko didaktikoak egiteko asmoa agertu dute Elhuyar Fundazioko arduradunek.www.elhuyar.org/armix web gunean jokoa probatu daiteke.
Himalaia mendiak Lurreko altuenak dira, ez bakarrik Indiako plaka tektonikoak Eurasiakoaren kontra talka egin zuelako, baita talka horretara oso abiadura handiarekin iritsi zelako ere. Baina nolatan zuen Indiako plakak hainbesteko abiadura? Indiako eta Alemaniako geologoen talde batek erantzuna aurkitu du: Indiako plaka oso mehea delako, harekin batera sortu ziren plakak baino askoz meheagoa.
Zientzialari britainiar batek, John Speakmanek, bizitza luzatzeko balioko lukeen pilula probatzen ari da saguetan. Eragingarria izango balitz, botika berritzaile honek, biziraupena luzatzeaz gain, pertsonen bizitza profesionala iraunaraz lezake bizitza kalitate handiago bat bermatuz.
Pilula honen funtzionamendua nahiko konplexua da eta bere oinarrizko osagaien artean tiroxina du, gorputzaren zahartzea moteltzen laguntzen duen hormona antioxidatzailea.
Datorren azaroaren 8tik aurrera aurrez ordaindutako txartel bidezko sakelako telefonoen erabiltzaileek bi urteko epea izango dute euren telefono konpainiaren aurrean agertzeko eta euren datuak emateko; hori egin ezean, linea kenduko diete.
Txinan, saltokietan banda magnetikoaren lekukoa hartuko duen ordainketa sistemaren bila ari dira eta, beste bide batzuk existitzen badira ere, hatz-marken irakurketa gero eta garrantzi handiagoa lortzen ari da ordainketa sistemen artean.
Shanghaiko mila saltokitan baino gehiagotan, hatz-markek ohiko kreditu txartelen tokia hartu dute. Bezeroak hatza ukimenezko terminaletan jartzean, sistemak horren ezaugarriak identifikatzen ditu eta dagokion faktura bezeroaren banku-korrontera heltzen da, kobratzeko.
Red.es Industria, Turismo eta Merkataritza Ministerioari dagokion behatokiaren arabera, eskari gehien garraio txartelek, ikuskizunetarako sarrerek, liburuek, arropak eta ostatu erreserbek izan dituzte.
Argazkia: Phil Manning
www.zientzia.net (osorik irakurri)
Hori da "Endless Ocean" (Ozeano amaigabea) bideojokoaren kasua. Urpekaritza simulagailu bat da, bertan, jokalariak itsasoko hondoa zeharkatu behar du altxorren bila eta animalia berezien bila, ura zeharkatzen duten argi izpi ahulekin eta musika lasaigarri batekin.
3 eta 12 urte arteko umeek ordenagailu pertsonal berezia izango dute eskuragarri hurrengo udaberrirako. Ohiko ordenagailuen funtzioez gain, interneterako sarbidea eta marrazteko programa bereziak izango ditu.
Makina aparta honek ez du teklaturik izango, ordenagailura konektatuko diren tresna batzuk baizik, eta Linux sistema eragilearekin funtzionatuko du.
Suitzako bi enpresak eguzkiaren irradiazioaz ibiliko den itsaspeko bat sortu nahi dute 2012. urtea baino lehen. Goldfish izena jarri diote 20 eta 30 metro arteko itsaspeko honi, eta 218 metroko sakontasunean ordubeteko urperaldiak egiteko gaitasuna izango du. Barruan, 50 bidaiari joan ahal izango dira.
Thun aintziran (Suitza) egingo dute lehenengo saioa, eta hasierako hilabeteetan Goldfish-ek bertako inguru sakonenak eta hondoa ikuskatuko ditu.
Gurdi berri honek erabiltzailearen datu guztiak izango ditu "fideltasun txartel" baten bitartez. Horrez gain, beste erosketa batzuen informazioa gordetzen duenez gero, gurditxo jakintsuak bezeroari bere beharren eta gurarien arabera aholkatu ahal izango dio, baita supermerkatuak dituen eskaintzen arabera ere.
Azkenaldiko mikroelektronika-aurrerapenei esker, Oxford-eko Unibertsitatean lortu dute animalietan jartzeko moduko kamera txiki batzuk garatzea, hegazti basatien berezko jarduera eta portaera aztertu ahal izateko.
Lehenengo saiakera Kaledonia Berriko bele (Corvus moneduloides) batzuekin egin dute. Hemezortzi beleri kamera bana jarrita, 451 minutu grabatzea lortu dute. Hegazti horiek oso urduri jartzen dira gizakien aurrean, eta horregatik ezinezkoa da haien berezko portaera aztertzea. Gainera, ingurune menditsu eta itxietan bizi dira; leku horietan ikuspena oso mugatua da, eta banakoei jarraitzea ia ezinezkoa.
Kamerek 14,5 gramoko pisua baino ez dute, eta ez diete traba handirik egiten hegaztiei. Animalien buztanaldean jarri dituzte, aurrealderantz orientatuta; hala, kamerek animaliaren hanken artetik burualdea grabatzen dute (irudian gorriz ageri da kamera eta urdinez kamerak grabatzen duen eremua).
Irudia: Jolyon Troscianko
www.zientzia.net (osorik irakurri)
Gaur 50 urte, 1957ko urriaren 4an alegia, Sobietar Errepublika Sozialisten Batasunak (SESB) Sputnik 1 satelitea espaziora bidali zuen. Lur planetatik atera zen lehen kapsula artifiziala izan zen. Espazioan nagusitasun militarra eta zientifikoa lortzeko lehiaren hasiera izan zen AEBen eta SESBn artean. Baina, batik bat, zientzia espaziala garatzeko lehen urratsa.
Larruazaletik kanpo dagoen ile-zatia ez da izaten DNA-molekula erauzteko tokirik onena, material genetiko gutxi baitu barruan. Hala ere, askotan, aspaldiko bizidunen arrastoen artean, ileak izaten dira, eta ez da izaten beste aukera handirik DNA erauzteko. Horregatik, Kopenhageko biokimikari-talde batek DNA erauzteko metodoa findu du, eta emaitza onak lortu ditu mamuten ileetatik abiatuta.
Interneten izandako buxadura batek Bruce Springsteenek Madrilen azaroaren 25ean eman behar duen kontzerturako sarrerarik lortzea galarazi zien atzo AEBetako abeslariaren milaka jarraitzaileei.
The E Street Bandekin eskaini behar duen emanaldirako 15.000 sarrerak salgai jarri eta lau ordura agortu ziren. Antolatzaileek ohar batean azaldu dutenez, sarreren salmenta normaltasunez egin da, Tick Tack Ticket operadoreak telefono eta Internet bidez tiketak saltzeko izandako arazoak konpondu ostean. Arazoak milaka lagun sarrera barik utzi ditu.
Wifi txarteldun ordenagailu eramangarrien erabiltzaileentzat Interneterako sarrera guneak bihurtu dituzte toki horiek Parisen.
Nobel Saria jasotzeak bizia luzatu egiten omen du - poxpolo popolo - 2008-10-14 11:54:01
AEBetako gazteen %97k bideo-jokoekin jokatzen dute - Té la mà Maria - 2008-09-18 20:56:36
Etorkizuneko telebista aurkezten dizugu: OLED - xa2 - 2008-07-07 14:09:31
Marten ura aurkitu duela dio NASAk - CVGJH - 2008-05-22 08:58:05
Arrak ugaltzeko ere ez dituzte behar komodoko dragoi emeek (8)
Nobel Saria jasotzeak bizia luzatu egiten omen du (8)
Yoigo: Iritsi dira prezio merkeak telefonia mugikorrera (7)
Abian da Borobila (eta ez beribila!), web ostatatze zerbitzua (6)
Kaixomaitia.com, amodioaren ataria euskaraz (6)
Marten ura aurkitu duela dio NASAk (5)
Fulmar, urrunetik gidatutako hegazkin euskalduna zerua piloturik gabe kontrolatzeko (5)
Second Life, bizitza "hobea", birtuala bada ere (5)
60 milioi blog blogosferan (5)
Urria 2008 (3)
Iraila 2008 (15)
Abuztua 2008 (11)
Uztaila 2008 (15)
Ekaina 2008 (17)
Maiatza 2008 (18)
Apirila 2008 (23)
Martxoa 2008 (9)
Otsaila 2008 (21)
Urtarrila 2008 (20)
Abendua 2007 (12)
 |
 |
 |
 |
 |
 |
 |
|