Bihar, irailak 28, Wikifarra ospatuko dute Donostiako Kafe Antzokian, 20:00etatik aurrera. Blogs&beers moduko bat izango da ekitaldi hori eta, bertan, elkar ezagutzeko aukera izango dute soilik bide digitalak erabilita harremanetan izan direnak.

Antolatzaileen arabera, Wikifarra sare sozial bat da, eta horregatik ospatuko dute taberna batean hitzordu hori.

Wikifarra Arrasaten egin zuten lehen aldiz, otsailaren 23an, eta orain Donostian izango da parranda eta teknologia batuko dituen bilera hori.

Teknologia berriak gustoko dituen edonor joan daiteke Wikifarrara eta, antolatzaileak euskaldunak direnez, ziurrenik euskara izango da han gehienek erabiliko duten hizkuntza.