Mahastizaina izateko ez da beharrezkoa ordu luzeak eguzkitan egotea. Etxetik ere egin daiteke, klik batzuk eginda.

Hori da hain zuzen Crushpad estatubatuar enpresak eskaintzen duen zerbitzua: nahi duzun ardoa sortzea. Etxetik mahatsa hautatu, botilaren etiketa diseinatu, zahartze prozesuaren iraupena ezarri, barrika mota aukeratu… Bezeroak edozer erabaki dezake. Berea da ardoa, eta berak sor dezake, zerotik.

Gainera, bezeroak hala nahi badu, San Frantziskora (han du egoitza enpresak) joan daiteke bere ardoaren garapen prozesua gertutik ikusteko. Erosoena, baina, etxetik webcam baten bidez jarraitzea eta ekoizleekin mezuen bidez harremanetan egotea da.

Mahatsak bildu eta 10 edo 20 hilabetera, ardoa botilatzeko prest egongo da eta Crushpad enpresak munduko edozein tokira bidaliko du.

Hori bai, bezeroek gutxienez barrika bat (300 botila inguru) erosi behar dute. Salneurria 4.500-11.900 dolarrekoa da.