Navarpartyren V. Edizioa atzo, osteguna, arratsaldean hasi zen, Nafarroako Unibertsitate Publikoan.

Bilera horretan, 512 lagun lau egun egongo dira Informazioaren eta Komunikazioaren teknologien inguruan informazioa, baliabideak eta jokoak partitzen.

Fran Naranjo ekitaldi horren antolatzaileak atzo esandakoaren arabera, aurtengo edizioan, aurrekoetan bezala, Estatu osotik etorritako gazteek informatikaren eta informazioaren teknologia berrien azken joerez gozatzeko aukera izango dute.

Naranjok adierazi zuenez, aurten izango diren hitzaldietan ere txostengileen “kalitatea” eta aurreikusita dauden tailerrak azpimarragarriak dira. Tailer horietan jende askok parte hartuko duelakoan zegoen Naranjo, eta “gero eta emakume gehiago” daude euren artean

Navarpartyren dibulgaziozko espiritua oinarritzat hartuta, ekitaldian izena ez dutenentzat eman ere ekintzak prestatu dituzte, besteak beste, hitzaldiak. Urtez urte informatikari, informazioaren eta komunikazioaren arloetako teknologia berrien eta gizartean dituzten eraginen inguruko gaiak izango dira hizpide hitzaldi horietan.