"Sagarraren konpainiak" musika erreproduzitzaile ezagunaren generazio berria kaleratu du: pantaila ukigarria eta Interneterako wi-fi konexioa ditu.

Gainera, informatika konpainiak 200 dolarreko, hau da, 147 euroko, beherapena iragarri du 8 gigabyteseko memoria duen iPhonen prezioan.

IPod berriaren kasuan, 8Gbko bertsioak 299 dólar (219 euro) balioko ditu eta 16 Gbko bertsioak 399 dólar (292 euro).

Gainera, iPod klasikoa ere moldatu egin dute eta bi modelo salduko dira, bat 80 Gbko pilaketa gaitasuna duena eta bestea 160Gbkoa.

IPhone produktuari dagokionez, prezioa baxutzea erabaki du enpresak. Hala, 8 gigabyteko iPhonea 200 dolar (147 euro) merkeagoa izango da hemendik aurrera eta 399 (292) euro balioko ditu.

Beherapen horrekin, herritarrentzat eskuragarriago egin nahi du Applek bere produktu ezaguna, telefonia mugikorra, musika erreproduzitzailea eta Internet uztartzen dituena.