MITeko ikertzaile bik hirietan pertsonen mugimenduak sortutako energia aprobetxatu nahi dute argindarra ekoizteko. Mugimendu hori bidaiariek tren geltoki batean sartzerakoan eta irteterakoan egindakoa izan liteke, adibidez.

James Grahamek eta Thaddeus Jusczykek asmatutako sistema horrek ibiltzen edo saltoka dabiltzan pertsonen energia argindar bihurtuko luke.

Euren saioetan erabiltzen ibili diren prototipoa esertzea energia sortzeko aprobetxatzen duen aulki bat da. Gorputzaren pisuak dinamo bati lotuta dagoen bolante bat biraka jartzen du eta, horrekin, lau LED pizten dira.
Hala ere, sistema hori ez dago etxean erabiltzeko pentsatuta, Grahamen eta Jusczyken esanetan, pertsona baten urrats bakar batekin 60Wko bonbilla bat bi segundoz besterik ezin delako piztu.

Baina jendetza mugitzerakoan, urrats hori milaka aldiz biderkatuko liteke, eta lortutako emaitzarekin tren bat mugiarazi liteke segundo batez.