SPRI elkarte publikoak Euskal Autonomia Erkidegoko 730 gunetan Wi-Fi sareak instalatzen lagundu du.

Kopuru horrekin, gero eta gehiago dira kablerik gabe Internetera konektatzea baimentzen duten tokiak EAEn.

Horren ondoren, SPRIk programa berri bati ekin dio, teknologia mota hori instalatzen duten tokiak ugaltzeko, eta 2007ko amaierara arte luzatu du ‘Konekta zaitez Wi-Fi’ programa.

Hori dela eta, instalazioaren %50 ordaintzeko diru-laguntzak jasoko dituztela informatu die Internetera konektatzeko gune horietako bat instalatu nahi duten lokalei. Horren truke, doako zerbitzua eman beharko diete bezeroei hiru urtez.

Horrez gain, hoteletatik, kongresu jauregietatik, geltokietatik edo pertsonak dabiltzan tokietatik konektatzen direnak gero eta gehiago dira. Bilbo, adibidez, Estatuko hirien artean Wi-Fi gune gehien dituena da.