Euskarri digital horrek iraultza ekarri zuen, baina CDaren garai onenak atzean geratu dira. Musika Internet bidez jaisteak min handia egin dio. Nolanahi ere, biniloarekin gertatu bezala, badira CDa inoiz desagertuko ez dela uste dutenak.

1982ko abuztuaren 17an ikusi zuen argia lehendabiziko CDak. Philips konpainia alemanak merkaturatu zuen. Irudiak digitalki grabatzeko ideia etorri zitzaien burura eta musika soilik gordetzen zuen diskoa sortzea erabaki zuten. Horrela sortu zen CDa.

Pietre Kramer izan zen CDaren sortzaileetako bat eta, haren iritzian, denboraren joanak soinu-kalitatean eragin ez izatea bermatzea izan zen euren benetako asmakuntza.

Lehen grabazio digitala Dire Straits taldeak egin zuen 1985ean.


Hogei urtetan zehar merkatu digitaleko jaun eta jabea izan da CDa, baina egun Internetetik jaitsitako musika, mp3 formatua eta Ipod bezalako euskarriak dira iraultza.

Batzuek zalantzan jartzen dute CDak 30 urte beteko dituela, baina beste askok uste dute luxuzko erretiroa izango duela, hots, merkatu digitalean txoko on bat mantenduko duela.