Floridako (AEB) Unibertsitateko Ikertzaileak epilepsia krisiak saihes ditzaketen txipak asmatzen ari dira. Behin garunean jarrita bizi-funtzioa berreskuratzen lagundu dezakete txip hauek.

Estrategikoki jarrita, “txip” txiki-txiki horiek seinaleak interpretatu eta neuronak estimulatzeko gai izan daitezke. Modu horretan, neuronek behar bezala erantzungo lukete eta horrek gorputzeko atal bat galdu duen pertsona bati, pentsamenduen bidez, protesia kontrolatzen lagun diezaioke, unibertsitate honen arabera.

2,5 milioi dolarreko aurrekontuarekin (1,8 milioi euro), txip hori garatzen ari dira. Osasun Institutu Nazionalak eta Floridako Unibertsitateko adituek eman dute diru-laguntza hori.

Oraindik arratoiekin soilik frogatu duten arren, datozen lau urteetan gizakiekin ere frogak egitea espero dute ikertzaileek.

Medikuntza eta Ingeniaritza Eskolako iadituentzat, helburu nagusia epilepsia eta paralisia bezalako arazoei aurre egitea da.