Euskal Herrian aitzindari den Kide TV proiektuan ari da lanean Alianzo Networks. Herri edo hiriei internet bidez bideoak zabaltzeko plataforma bat eskaintzean datza. Udalek ez dituzte bideoak grabatu beharko, izan ere, horren harira programa bat garatzen ari da Alianzo Labs saila. Programa horren bitartez, herri jakin baten inguruan interneten dauden grabaketa guztiak bilduko dituzte, plataforma berri horretan eskaintzeko.

Alianzo Networks Barakaldoko enpresak, orain arte beste enpresa batzuen eskaerak betetzen lan egiten zuen, orain ordea, konturatu da haien ideiak ere garatu ditzaketela. Hala sortu da Kide TV proiektu berritzailea.

Empresa horrek berak googlemaps baliatuz web orri bat diseinatu zuen. Bertan, erabiltzaileek Bilboko aireko argazkiak ikus zitzaketen eta haien intereseko guneak markatu arrazoiren bategatik. Proiektu berrien artean, horren antzeko bat garatzen ari da Alianzo.

Proiektu horixe bera mundura zabaldu nahi dute orain. Hiri edo herri batek web berezi hori egin nahi badu Alianzo Labsen zerbitzua izango du eskuragarri. Alianzoren sail horretan bi langile daude proiektu berrietan bakarrik lan egiten.