Bruselako Lehen Auzialdiko Auzitegi baten erabaki baten arabera, Tiscali internet hornitzaileak neurriak hartu beharko ditu P2P teknologiaren bitartez internautek musika ilegalki jaitsi ez dezaten.

Epaia joan den ekainaren 29an eman zen eta SGAEren ustez aurrekari bat ezarri dezake. Organo judizialak jabetza intelektualaren kontra egiten dire arau-hausteei akabera emateko eskatu dio Tiscaliri. P2P softwarearen bitartez egiten ziren deskargak eta Belgikaren kasuan, hango egileei kalte ez egiteko eskatu du epaitegiak.

Sei hileko epea du Tiscalik epaia onartzeko. Bestela, 2.500 euro ordaindu beharko ditu atzeratzen den egun bakoitzeko.

2004an hasi zen dena, babestutako musika edukiak egileen onarpenik gabe erabili zirela salatu zuen orduan Belgikako Egileen Elkarteak eta Epaitegiak salaketa onartu eta izapideak abian jarri zituen.