Tecnimagen da Espainian hodi katodikozko telebistak (handiak eta “pisutsuak”) egin dituen azken fabrika. Sant Boi de Llobregateko (Bartzelona) fabrikak ateak itxiko ditu eta 139 langile langabezian geratuko dira. 2003an ia milioi bat telebista egin zituen lantegiak etsi egin behar izan du goraka doazen enpresen konpetentziagatik eta telebista eredu tradizionalaren (hodi katodikozkoa) baztertzea dela eta.

Teknologia berrien ugaltzeak eta multinazionalen konpetentzia handiak, nazioarteko enpresa horien esku ez dauden lantegiek konpetentziaren aurrean amore eman behar izatea ekarri dute. Hala, pixkanaka-pixkanaka enpresa horiek lehiakortasun ezagatik desagertzen ari dira. Gainera, zaharkituta geratu diren produktuak ekoizten dituzten enpresek, merkatu berrira egokitu nahi badute, inbertsio handiak egin behar dituzte, aurrekontu handiegiei egin behar izaten diete aurre.