Panda Software enpresak ohartarazi duenez, hainbat webgunek produktu merkeak dituzte salgai eta gehienak lapurtutakoak dira.

Ostutako kreditu txartelekin erosita edota "pishing" teknikaren bidez (erabiltzaileei bankuko datuak ebatsi) lortutakoak dira produktuok.
 

Antza, "ziberdelinkuenteek" eurek webgunetan nabarmentzen dutenez, legez kanpo lortutako produktuak dira salgai dituztenak eta horri esker dituzte merkeago. Diotenez, kontsumitzaileak ez du inongo arriskurik produktua erosita.

Dena dela, birusen kontrako programak egiten dituen multinazionalak ohartarazi duenez, lapurtutako produktuak kontzienteki erosteagatik zigorra dute jasota hainbat herrialdetako araudiek.

Horrenbestez, zabor-postarekin erne ibili beharko gara aurrerantzean, hori baita webgune mota hauekin bat egiteko moduetako bat. Izan ere, garesti ordain dezakegu produktu ilegalak erostea.