AEBetako Defentsa Departamenduak  1.500 ordenagailu itzali behar izan zituen pasa den asteazkenean balizko eraso zibernetikoa saihesteko.

Robert Gates Defentsa idazkari nagusiak eskaini du informazio hori. Ez du gertatutakoaren inguruko xehetasun handirik eman, baina sistema informatikoak laster ezarriko direla berriro azpimarratu du. 

Gatesek berretsi du Pentagonoak egunero pairatzen dituela hainbat eraso, eta azken honek ez duela eragin negatiborik eduki Departamenduko operazioetan. Ordenagailuak kaltetuta izan zituzten langileek ez zuten arazorik izan eguneroko lanarekin jarraitzeko patrikako BlackBerries bezalako baliabideei esker.

Batzar informatibo batean Gatek azpimarratu zuen “ezbairik gabe bestelako babes sistemak” ere badituztela, baina hala ere, gertatutakoak "aldaketa batzuk" eragingo dituela administrazioan eta baita langileen artean ere.

Sistemak infiltrazioa antzeman zuenean hartu zuten ordenagailuak eteteko erabakia.