Hemendik aurrera Google talde estatubatuarraren atariak, tokiko bederatzi webgune izango ditu zazpi hizkuntza ezberdinetan garatuta.

YouTube.com-eko sortzaileek, Chad Hurley eta Steve Chenek, gaur aurkeztu dute Parisen nazioarteko konpainiaren presentzia areagotzeko sortu duten iniziatiba.  

Aurrerantzean, Espainia, Brasil, Frantzia, Japonia, Irlanda, Italia, Holanda, Polonia eta Erresuma Batuak euren gune propioak izango dituzte tokian-tokiko itzulpenarekin. Hurleyk esan du “ YouTube herrialde bakoitzak dituen ezaugarrietara moldatzeko” saiakera dela.

Gaur egun, bideoen trukerako guneak eremu ezberdinetako 150 bazkide dauzka. BBC, Antena 3, Cuatro, Real Madrid, Greenpeace edo Munduko Medikuak euren bideoen ekarpena egiten dute atarian.

Hurleyk eta Chenek 2005. urtean sortu zuten YouTube euren bideoak erakuslehioan jartzeko, baina saiakuntzak izan duen harrera onak milioika bideoren metaketa ekarri du.

Bestalde, YouTubek eurenak baino baliabide hobeak dituzten atariekin lehiatzeko asmoa dauka.