Urritik aurrera, Interneteko ".es" domeinuek "ñ" hizkia eduki ahal izango dute. Hala, Meñakako udalak, adibidez, bere benetako izenarekin web orri bat eduki ahal izango du, izena aldatu eta "Menaka" jarri beharrik izan gabe. Meñakakoa ez da domeinu bat edukitzeko izena aldatu behar izan duen bakarra, askok jarri behar izan dute "n" hizkia "ñ"aren ordez, edo webgunearen izena aldatu, ".es" domeinuen erregistro-legera egokitzeko.

Aurtengo urritik aurrera, Espainiako Estatuko hizkuntza ofizial guztietako (gaztelera, euskara, katalana eta galiziera) berezko karaktere guztiak erabili ahal izango dira ".es" domeinuetan. Hizki berri horiek hauek dira: "á, à, é, è, í, ï, ó, ò, ú, ü, ñ, ç".

Lege berriaren ezartzea bideratzeko, behin-behineko epe bat egongo da eta domeinuak ematerako garaian arau batzuk jarriko dira, domeinuak saltzeko enkante bat, besteak beste. Espainiako Industriako ministerioko Red.es erakundeak izango du domeinuak banatzeko eskumena eta dagoeneko arau berriari buruzko argibide guztiak jakinarazi dizkie domeinu erregistratzaile agente guztiei. Egun ".es" domeinuaren jabe direnek lehentasuna izango dute izena aldatu eta dagokien bertsioa jartzeko.

Neurri berri honi esker, asko izango dira "ñ" hizkia web orriaren izenean txertatuko